Ár hvert koma hundruðir þúsunda gesta til að njóta útsýnisins af toppi Perlunnar, enda eitt besta útsýni yfir Reykjavík og nærsveitir. Á pallinum eru útsýnisskífur á öllum hornum og 16 örnefnaskilti sem benda á öll helstu kennileiti í umhverfi borgarinnar, allt frá Keili á Reykjanesinu í suðri, til hins heimsþekkta Snæfellsjökuls við enda Snæfellsness í norðri. Esjan á svo stóran hluta sjóndeildarhringsins með Akrafjall, Skarðsheiði, Móskarðshnjúka og Skálafell í bakgrunni. Steinsýni úr jarðfræðilega áhugaverðum stöðum eru til sýnis við þau örnefnaskilti sem við á. Þar má m.a. annars finna móberg úr Vífilsfell, helluhraun úr Hafnarfirði, stuðlaberg og sjávarbarið fjörugrjót úr Reykjavík.